ლინუქსის საფუძვლები [Online]

ლინუქსის საფუძვლები – ეს არის ღია კოდზე დაფუძნებული ოპერაციული სისტემა Linux-ის შემსწავლელი ბაზისური კურსი, რომელიც დაეხმარება მსმენელს თეორიულად და პრაქტიულად გაეცნოს ლინუქსის საფუძვლებს და შეისწავლოს მასში ძირითადი ოპერაციების განხორციელება. აღნიშნული კურსი იძლევა ლინუქსის სიღრმისეული შესწავლისთვის საჭირო ფუნდამენტს.

რატომ ლინუქსი?

• მსოფლიოს სუპერკომპიუტერების დაახლოებით 95% ოპერაციულ სისტემად ლინუქს იყენებს;
• Google-ის, Netflix-ის, Facebook-ის ინფრასტრუქტურის უმეტესი ნაწილი ლინუქსზეა აწყობილი;
• წამყვან ქლაუდ სისტემებში (Amazon AWS, Microsoft Azure) შექმნილი ვირტუალური მანქანების უმრავლესობა არის ლინუქსზე;
• თანამედროვე ჭკვიანი სისტემები (ტელევიზორები, ავტომობილები, შუქნიშნების სისტემები, სმარტფონები) მეტწილად იყენებენ ლინუქსის ბირთვს;
• ლინუქს სერვერების გამოყენებით საკითხების გადაწყვეტა შეიძლება ნაკლები დანახარჯებით, როგორც ლიცენზირების, ასევე აპარატული უზრუნველყოფის მხრივ.

სასწავლო პროგრამას უძღვება აიტი აკადემიის გამოცდილი ტრენერი და F1-ის ლინუქსის სპეციალისტი რომან ჯახიაშვილი, რომელსაც აღნიშნული მიმართულებით საქმიანობის რამდენიმეწლიანი პრაქტიკა აქვს.

სასწავლო კურსი შედგება 12 ლექციისგან, რომლის განმავლობაშიც განხილული იქნება 9 თემა.

ონლაინ ლექციებზე მსმენელები მაქსიმალურად დაამუშავებენ თემას, თეორიულ მასალასთან ერთად შეასრულებენ პრაქტიკულ სამუშაოებს სიმულაციურ გარემოში, ხოლო საშინაო დავალებების სახით გაეცნობიან დამატებით მასალას. სწავლის მუდმივი რეჟიმის უზრუნველსაყოფად ჩატარდება ონლაინ ტესტირებები, რომლის საშუალებითაც მსმენელებს ეძლევათ შესაძლებლობა შეამოწმონ შეძენილი ცოდნა.

ლექციები ჩატარდება ონლაინ პლატფორმა Zoom-ის გამოყენებით.
მსენელს უნდა ჰქონდეს მუშა მიკროფონი და ვებკამერა.

საორგანიზაციო კომუნიკაციისთვის გამოიყენება დახურული Facebook ჯგუფი.